ALLES WO BLIIBT

UF DE TAG GNAU HÜT VOR 5 JAHR ISCH’S GSI
AU HÜT NACH ALL DÄNE JAHR FAHRT’S MER IMMER NA II
MER SIND EUS VO AFANG A MIT RESPEKT BEGEGNET
CHA MIR GUET ERINNERE, A SÄB EM FRITIG HÄTS GRÄGNET

DU LIEBISCH DAS LÄBE, ABER OFT SEG’S DER ZVIL
CHÄNSCH NA SOVIL SECKLE, STÄCHISCH GLICH STILL
UND WÄNNS DER ZSTILL GSI ISCH, HÄSCH DI SELBER NÖD VERTREIT
BISCH BI MIR VORGFAHRE, HÄSCH CHLOPFET UND GSEIT

UND DAS WO NA ISCH, ICH BI TOTAL LABIL
UND DAS WO NA FÄHLT, WÄR CHLI MEH STABIL
CHUM SPIL NA EN SONG, EINE ZUM VERGÄSSE
MIT EM WHISKEY I DE HAND BISCH DU NÄBED MIR GSÄSSE

HÄSCH DINI TRÄUM HÄRT UFSCHLAH LAH UF EM ASPHALT
ZWÜSCHED MUET & LIECHTSINN ISCH NUR EN SCHMALE SPALT
BISCH ALLNE NÄCHER GSI, ALS DIR SELBER
HÄSCH NUR ABGSTORBNI BOIM GSEH, STATT GRÜENE WÄLDER

UND DAS WO NA ISCH, ICH BI TOTAL LABIL
UND DAS WO NA FÄHLT, WÄR CHLI MEH STABIL
CHUM SPIL NA EN SONG, EINE ZUM VERGÄSSE
MIT EM WHISKEYGLAS BISCH DU NÄBED MIR GSÄSSE

VILICHT SEG DAS JETZT D’QUITTIG, HEGSCH VILL ZLANG GWÜETET
UND DIS HERZ DAS, WO WORTWÖRTLICH BLÜETET
WIESO NU HÄSCH DI IMMER WIEDER SELBER AGLOGE
UND ANDERNE GHULFE STATT DICH ZUM SUMPF US ZOGE

HEGSCH SO ES STÄCHE LINGS I DE BRUSCHT
NÖD ERSCH SIT GESCHT, SIT LETSCHTEM AUGUST
HÄSCH GSEIT BRUCHISCH E PAUSE, BRUCHISCH HALT
DIN KÖRPER HEG GSCHROUE, HEGSCH GNUEG LANG ZAHLT

ALLES WO BLIIBT, ISCH D’SEHNSUCHT NACH MEH
ALLES WO BLIIBT, TUET EIFACH NUR WEH
ALLES WO BLIIBT, ISCH D’SEHNSUCHT NACH MEH
ALLES WO BLIIBT, ISCH ES BLUEMEMEER